Maamulka Hirshabeelle & hay’adda SoDMA oo ka shiray saameynta El Niño

Ku dhawaad 500-kun oo ruux ay El Niño ku saameysay Dowladda Hirshabeelle.

Jowhar, Soomaaliya - Madaxweynaha Dowlad-Gobolleedka Hirshabeelle Cali Cabdullaahi Xuseen (Cali Guudlaawe) ayaa xalay shir-guddoomiyay shir gaar ah oo ay isugu yimaadeen Golaha Wasiirrada Dowladda Hirshabeelle yo masuuliyiin ka socotay Hay’adda Maareynta Masiibooyinka (SoDMA) oo uu hoggaaminayay Guddoomiye Maxamuud Macallin Cabdulle.

Shirka gaarka ah ayaa warbixin looga dhageystay Hay’adda SoDMA iyo Wasaaradda Gargaarka iyo Maareynta Masiibooyinka Hirshabeelle oo ku aadan raadadka ay reebtay cimilada El Niño.

Warbixinta ayaa lagu sheegay in ku dhawaad 500-kun oo ruux ay El Niño ku saameysay Dowladda Hirshabeelle waxaana taagan %65 cabsi laga qabo Elnino ka dhallato Roobka Gu’ga ee la filayo inuu dhawaan curto.

Mas’uuliyiin ka socda Maamulka Hirshabeelle iyo Hay’adda SoDMA ayaa dhawaan kormeeeray qayabaha kala duwan ee biya xireenka Sabuun, kaas oo ay ka muuqdaan sameyntii ka soo gaartay cimilada El-Niño ee sanadkii hore.

Guddoomiyaha Hay’adda Maareynta Musiiboyinka ayaa ballan qaaday in ay ka shaqeyn donaan dib u dayactirka biya xireenka, iyaga oo kaashaneyna Shacabka Soomaaliyeed iyo saaxibada caalamka.

GAROWE ONLINE