Madaxweynaha Jubbaland oo magacaabay Hanti dhowre
-
Wariyaha Muqdisho GAROWE ONLINE
- Posted On 29-11-2018, 01:54PM
KISMAAYO, Soomaaliya - Madaxweynaha Jubbaland, Axmed Madoobe ayaa magacaabey Hanto dhowre cusub, oo markii ugu horeysay ay yeelato Jubbaland tan iyo markii la aas-aasay 2013.
Wareegto kasoo baxday xafiiska Madaxweynaha maalintii shalay, balse maanta ka shaaciyay ayaa loogu magacaabey Cabdicasiis Sheekh Xuseen Dayid, Hanti-dhowrka guud ee maamulk Jubbaland.
Axmed Madoobe ayaa wajahay xilliga cadaadid xooggan isagoo khilaaf siyaasadeed kala dhaxeeya dowladda Federaalka ah ee Soomaaliya, oo xiriirka kala dhaxeeya maamul goboleedyada aad u xumaaday tan iyo markii uu billowday khilaafka Khaliijka.
Madaxweynaha Jubbaland ayaa dhowr jeer eedeymo cul-culus u jeediyay dowladda Federaalka, oo uu sheegay inay wado qorshe ay ku burburinayso maamul goboleedyada, sidoo kalena aysan dooneynin inay fuliso heshiisyadii ay wada galeen.
HOOS KA AKHRI WAREEGTADA:
GAROWE ONLINE
