Madaxweyne Xasan Sheekh oo u ambabaxay Caasimadda Sucuudi Carabiya

RIYADH (GO) - Madaxweynaha Jamhuuriyadda Federaalka Soomaaliya Xasan Sheekh Maxamuud ayaa maanta ka ambabaxay magaalada Abu Dhabi ee dalka Isutagga Imaaraatka Carabta, isaga oo ku sii jeeda caasimadda Boqortooyada Sacuudiga ee Riyadh sida lagu sheegay warbaainta dowladda.

Madaxweynaha ayaa booqasho Shaqo & Caafimaad ku joogay magaalada Abu Dhabi, halkaas oo kulamo kula yeeshay madaxda dalkaasi. Sidoo kale wuxuu ku galay qaliin looga sameeyey dhanka garabka.

Madaxweyne Xasan Sheekh Maxamuud ayaa magaalada Riyadh uga qeyb gali doono shir madaxeedka Jaamacadda Carabta iyo Midowga Afrika.

Shirkan ayaa looga arrinsan doona arrimo la xiriira dhaqaalaha, waxaana lagu lafa guri doona dagaalka Qasa iyo sida ay wadamada Carabta ay wax uga qaban lahaayeen dhibaatada halkaas ka taagan.

GAROWE ONLINE