Madaxweyne Xasan Sheekh oo malaac ka muujiyay doorashada Puntland
-
GAROWE ONLINE XAFIISKA MUQDISHO
- Posted On 02-09-2023, 02:34PM
DHUUSAMAREEB, Soomaaliya - Madaxweynaha Jamhuuriyada federaalka Soomaaliya, Xasan Sheikh Mohamud oo habeenkii xalay ahaa ka hadlayay hawlgalka ciidanka xooga dalka ee Alshabaab ka dhanka ah ayaa soo hadal qaaday doorashada Puntland.
"Doorashada Puntland oo iyadana wakhtigeedu soo dhawaaday dadku walaac ayay ka qabaan" ayuu yiri madaxweynuhu.
Tan ayaa ka dhigan in uu wali taagan yahay walaaca dowlada federaalka Soomaaliya ka qabto muddo kororsi iyo xukun jujuub dhiig ku daato oo uu isku dayo madaxweynaha wakhtigiisa Dastuuriga uu dhamaadka yahay, Siciid Deni.
Bartimihii sanadkaan ayay ahayd markii dagaal Garowe ka dhacay ay ku dhinteen in ka badan 30 qof iyada oo uusan wali ka hadlin kana tacsiyeyn Deni.
Hogaamiyaha wakhtigiisu sii dhamaanayo ayaa lagu bartay colaaddda Galkacyo, Boosaaso iyo caasimada Garowe kuwaasi oo dhamaan lala xiriiriyay arimo siyaasadeed.
GAROWE ONLINE
