Mareykanka oo baaq cusub u jeediyey madaxda Soomaalida

Dhawaqan ayaa imaanaya xilli shalay lasoo gabagabeeyay xulista xubnaha Aqalka Sare.

MUQDISHO, Soomaaliya – Dowlada Mareykanka ayaa ku tartarsiisay madaxda Soomaalida in ay soo gabagabeeyaan doorashadda Aqalka Hoose kahor dhamaadka sanadkan aan hadda ku guda jirno ee 2021-ka.

Safaaradda xukuumadda Washington ee Muqdisho ayaa soojeedintan gudbisay iyadda oo tixraaceysa baaq uu ra’iisul wasaaraha xilgaarsiinta Rooble horey ugu jeediyey madaxda dowlad goboleedyadda waddanka.

Sida laga soo xigtay qoraalka safaaradda ku daabacdey ciwaankeeda gaarka ah ee Twitter-ka, dhaqaalaha lagu maalgelinayo doorashadda Aqalka Hoose ayaa diyaar ah waxaana muhiim ah in coddeynta la qabto.

"Waxaa soo dhaweynaynaa gabagabeynta doorashadda Aqalka Hoose. Waxaa hadda la joogaa waqtigii Saciid Cabdullaahi Deni, Axmed Madoobe, Axmed Qoorqoor, Guudlaawe, iyo Laftagareen ay xormayn lahaayeen baaqii Maxamed Xuseen Rooble ee ku aadanaa in doorashada Aqalka Hoose lasoo gabagabeeyo kahor dhamaadka 2021," ayay tiri.

Qoraalka ayaa la raaciyey: "Dhaqaale ayaa diyaar ah si loo dhamaystiro qayb muhiim ah oo ka mid ah doorashooyinka Golaha Shacabka, taas oo ay ugu wacan tahay khidmadaha diiwaangelinta musharraxiinta ee horay looga soo ururiyay iyo qaaraanka ay ka heleen saaxiibada Soomaaliya, oo uu ku jiro Mareykanka".

Doorashadda Aqalka Hoose ayaa lasoo afmeeray shalay. Galmudug ayaa noqotay maamulkii ugu horeeyay ee dhameystiray . Guddiga doorashada ayaa horey bilowga xulista Aqalka Hoose ugu asteeyay 16-ka November.

GAROWE ONLINE