Markab laga afduubtay biyaha meel u dhow caasimadda

Maraakiibta lagu afduubanayo meelaha ka baxsan xeebaha Soomaaliya tan iyo bishii December ayaa si weyn u kordhay.

MUQDISHO, Soomaaliya – Burcad-badeed ayaa Markab ku safrayay calanka Bangladesh waxa ay ka qafaasheen nawaaxiga xeebaha Soomaaliya, waxaana ay horey u kaxeysteen 23 shaqaala saarnaa, sidda ay sheegeen mulkiileyaasha.

Markabkan oo lagu magacaabo The MV Abdullah ayaa kasoo shiraacdey caasimadda Mozambique ee Maputo, waxaana uu ku wajahnaa Imaaraadka Carabta. Xamuul gaaraya 55-kun tan dhuxul ah ayuu waday markii la weerarayay Talaadadii.

Sidda laga soo xigtay war-saxaafadeed kasoo baxay Kabir Steel Re-Rolling Mills oo iska leh markabka, burcad-badeedda qafaalatay markabka ayaa tiradooda u dhaxeysaa 15-20 dabley waxayna jinsiyadooda ay ku sheegtey Soomaali.

Shirkadda ka shaqeysa amniga badda ee lagu magacaabo Ambrey ayaa dhankeeda waxa ay xaqiijisay in koox hubeysan ay afduubatay markabkan. Goobta uu afduubka ka dhacay ayaa 1,111KM dhanka bari uga aadan Muqdisho.

Maraakiibta lagu afduubanayo meelaha ka baxsan xeebaha Soomaaliya tan iyo bishii December ayaa si weyn u kordhay, waxaana ay tani ay abuurtey walwal iyo cabsi amni oo soo wajahdey maraakiibta adeegsata marin-biyoodkaas.

Kooxda Xuutiyiinta ee fadhigoodu yahay dalka Yemen ayaa ka faa’iideystay fursadaas, iyaga oo sheegay in ay weeraraddan ugu aargudayaan Falastiiniyiinta oo wajahaya duqeymaha aan kala joogsiga lahayn ee Ciidamadda maamulka Yahuuda.

GAROWE ONLINE