Mas'uul katirsan gobolka Banaadir oo la dilay
-
Wariyaha Muqdisho Garowe Online
- Posted On 28-10-2017, 02:58PM
MUQDISHO, Soomaaliya - Mas'uul katirsanaa maamulka gobolka Banaadir ayaa lagu soo waramayaa in maanta duhurkii kadib lagu dilay magaalada Muqdisho.
Goob-jooge ayaa Warsidaha Garowe Online u xaqijiyay in Mas'uulka la dilay uu la shaqeynayay mamaulka degmada Yaaqshiid, kaasi oo magaciisa lagu soo koobay Cartan.
Wararka qaar ayaa sheegaya in Cartan uu ahaa Sarkaal katirsanaa ciidamada Badda Soomaaliya.
Nin bastoolad ku hubaysan ayaa ku toogten Cartan Nawaaxiga Daarta Wiif, ee Suuq Bacaad, kaasi oo isna ciidamada amniga ay isla goobta ku toogteen.
Lama oga cida dilka Cartan ka dambaysa, balse wuxuu dilkaasi qeyb ka noqonayaa dilal mudooyinkii dambe ka dhacay Muqdisho, oo loo geysanayay Odayaal, shaqaalaha dowladda iyo dad kaloo Askar kamid ahaayeen.
GAROWE ONLINE
