Muxuu Madaxweynaha JFS ku yiri hoggaamiyaasha Dalalka Isbaheysiga dhexdhexaadka ah (NAM)?

Dowladda Soomaaliya ayaa ku jirto dadaallo ay ku abuureyso Isbaheysi goboleed iyo mid Caalami ah,

MUQDISHO, Soomaaliya - Madaxweynaha Jamhuuriydda Federaalka Soomaaliya Mudane Xasan Sheekh Maxamuud ayaa Shirka hoggaamiyaasha dalalka isbaheysiga dhex dhexaad ka ah (NAM) ka jeediyay khudbad ku saabsan xadgudubka Dowladda Itoobiya.

Madaxweynaha ayaa si kulul uga hadlay cawaaqib xumada ka dhalan kartoheshiis-beenaadkii ay Itoobiya la heshay taliska Muuse Biixi haddii aanan si wadajir ah looga falcelin.

Madaxweynaha ayaa yiri “ Cawaaqib xumada ka dhalan karta is-afgaradkan waa wax aad looga xumaado mana ahan kaliya mid khatar ku ah madax-banaanida dhuleed ee Soomaaliya.

Madaxweynaha ayaa Sidoo kale sheegay in heshiikan uu halis ku yahay xasilloonida gobolka, isaga oo ku nuuxnuuxsaday in uu fursad cusub siinayaa argagixisada ka jirta gobolka.

Dowladda Soomaaliya ayaa ku jirto dadaallo ay ku abuureyso Isbaheysi goboleed iyo mid Caalami ah, oo looga hortagayo tallaabooyinka halka dhinac ay dowladda Itoobiya ku doonayso qeyb ka mida Badda Soomaaliya.

GaroweOnline.