Nuqul kamid ah heshiiskii Ahlu Sunna iyo xukuumadda oo lasoo bandhigay
-
WARIYAHA DHUUSAMAREEB GAROWE ONLINE
- Posted On 29-10-2019, 02:26PM
DHUUSAMAREEB, Galmudug - Ururka Ahlu Sunna ayaa wuxuu Talaadada maanta ah soo bandhigay nuqul kamid ah "heshiiskii dhexmaray ururkaas iyo dowladda federaalka ah".
Wararka ayaa waxay sheegayaan in hogaanka ururka Ahlu Sunna ay nuquladan u direen Beesha Caalamka si loogu kala dab-qaado maadaama ismaandhaaf uu jiro.
Khilaafka ugu badan ayaa waxaa la aaminan yahay in uu ka taagan yahay magacaabida Guddiga Doorashooyinka iyo cidda lahaaneysa maamulka ugu badan ee coddeynta.
Heshiiska fahfaahin buuxa kama bixinayo cidda magacaabeysa Guddiga iyo Maamulkaba, waana halka ay mushkiladdu ka taagan tahay, sidda xogta ay sheegeyso.
Xukuumadda ayaa magacowday Guddi Doorasho oo ku sugan Dhuusamareeb, halka Ahlu Sunna ay dhankeeda magacaabatay Guddi, kaasoo howlihiisa guda galay.
Saaxiibadda Caalamka ayaa la filayaa in ay ka jawaabaan warqadda Ahlu Sunna, oo ku adkeysatay in maadaama ay Galmudug la midowday iyada maamusho doorashada.
Galmudug ayaa haatan u muuqaneysa mid dhexda ka galeysa jahwareer siyaasadeed oo mudgi gelin karta waqti dhow ay qabsoonto doorashada madaxweynaha.
Villa Soomaaliya ayaa damacsan in coddeyntan ay ka hesho natiijo ka qoslisa si lamid ah doorashadii Koonfur Galbeed, hase ahaatee, waxaa horyaala qodxo badan.
HESHIISKA LA BAAHIYEY
GAROWE ONLINE
