Qarax ka dhacay meel ku dhaw Villa Somalia
-
- Posted On 24-03-2017, 02:42PM
MUQDISHU, Somalia- Qarax culus ayaa ka dhacay nawaaxiga Hotel Nasa Hablood oo ku yaalla nawaaxiga Madaxtooyada Somalia ee magaalada Muqdishu.
Dad goob jog u ahaa weerarka ayaa Warsidaha GO u sheegay in Gaari lagu soo xiray walxaha qarxa uu beegsaday inta u dhaxaysa Maqaaxida Banooda iyo Hotel Naasa Halbood Two, wax yar kadib Salaadda Jimcaha.
Goobta qaraxa oo ay ku yaallaan Hoteelo dhowr ah, oo ay degan yihiin Madax katirsan dowladda, Xildhibaanno iyo Siyaasiyiin Soomaaliyeed ayaa waxaa durbaba xiray ciidamo.
Lama oga illaa hadda Khasaaraha qaraxa. Ma jirto cid sheegtay Mas'uuliyadda weerarka.
Waa qaraxii labaad oo Muqdishu ka dhaco maanta, kii hore waxa uu ka dhacay Xaafadda Sey Biyaano, waxaana uu ka dhashay walxo qarxa oo lagu xiray gaari nooca raaxada ah oo la dhigay Guri dhexdiisa.
GAROWEONLINE
