Qarax laga maqlay caasimadda waddanka Sacuudiga

Image

RIYADH, Saudi Arabia - Sacuudi Carabiya ayaa hawada ku qabtay wax u muuqda gantaal ama diyaarad aan duuliye lahayn oo dul heehaabaya magaalada Riyaad maanta oo Sabti ah Sabtida, sidda ay sheegtay warbaahinta boqortooyada, oo la kulmeysa weeraro isdaba joog ah oo uga imanayay fallaagada Xuutiyiinta Yemen tan iyo sanadkii 2015.

Dadka isticmaala baraha bulshada ayaa soo dhigay fariimo ay wehliyaan muuqaal u muuqday qarax ka dhacay hawadda magaalada caasimadda ah ee Riyadh.

Dhacdadu waxaa lasoo wariyey abaare 11-kii subaxnimo waqtiga maxaliga ah ee Sacuudiga (08:00 GMT).

"Waxaan maqlay dhawaq aad u weyn waxaanan moodayay inay wax cirka ka soo dhaceen,” ayuu yidhi mid ka mid ah dadka deegaanka oo ku nool degmada Al-Sulaimaniyah ee magaalada Riyaad. Wuxuu ku daray: "Guriga oo dhan wuu gariirayay".

Isbaheysiga uu hogaaminayo Sacuudiga ee taageera dowladda Yemen ee caalamka aqoonsan yahay ee ka dhanka ah Xuutiyiinta ayaa sheegay "in ay qabteen oo ay burburiyeen bartilmaameed cadowga ka yimid oo beegsaday Riyadh".

Balse, ma bixin faahfaahin dheeraad ah oo ku saabsan falkaas, sidda laga soo xigtay telefishanka ay maamusho dowladda ee Al Ekhbariya.

Xuuthiyiinta dhankooda wali ma sheegan inay gantaal ama diyaarad aan duuliye lahayn u rideen dhanka magaalada Riyaad maanta oo Sabti ah.

Maamulka Madaarka caalamiga ah ee King Khaled ee Riyadh ayaa sheegay in ay jiraan dib u dhacyo duulimaad, laakiin ilaa hada lama cadeyn in ay xiriirto dhacdadan.

Safaaradda Mareykanka ee Riyaad ayaa soo saartay digniin ku socota dadka Mareykanka ah oo loogu baaqay inay "ka feejignaadaan weeraro dheeraad ah oo dhici kara mustaqbalka dhow".

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM