Rooble oo amar dul-dhigay madaxa KMG ah ee NISA

MUQDISHO, Soomaaliya - Xafiiska Ra'isul Wasaare Maxamed Xussen Rooble ayaa soo saaray war-saxafadeed kaasoo lagu sheegay in Ra'isul Wasaaraha uuso dhaweynayo iscasilaada Agaasimihi hore ee NISA Fahad Yasin.

Sidoo kale, bayaankan lagu sheegay in uu yahay faafin deg-deg ah ayaa waxaa lagu amray in Agaasimaha kumeel gaarka ah uu sida ugu dhaqsiyaha badan xafiiska uga shaqo galo.

Warbaahinta Qaranka Soomaaliyeed ayaa daabacday bayaanka uu soo saaray Rooble oo jawaab u ah wareegto uu horey u soo saaray Madaxweynaha xilkiisu dhamaadey ee Famaajo.

Rooble oo ay Farmaajo isku khilaafeen qaabka loo maareynayo kiiska Ikraan Tahliil Faarax ayaa durbadiiba goor hore ku amray warbaahinta qaranka inaysan baahin wararka  ka soo baxa xafiiska Farmaajo.

Ilo wareedyo ayaa u sheegaya Garowe Online in xafiiska warfaafinta Farmaajo laga xanibey iney galaan oo ay wax ku qoraan warbaahinta qaranka Soomaaliyeed, gaar ahaan baraheeda bulshada sida Facebook iyo Twitter.

Hoos ka akhriso qoraalka Rooble

GAROWE ONLINE