Soomaaliya: Qarax ka dhacay Shabeellaha Dhexe [Dhageyso]
-
Wariyaha Muqdisho Garowe Online
- Posted On 22-10-2017, 10:21AM
AFGOOYE, Soomaaliya - Wararka naga soo gaaraya gobolka Shabeellaha Dhexe, ayaa sheegaya in dhowr qof oo shacab ah ay ku dhinteen qarax miino oo saaka ka dhacay duleedka degmada Balcad.
Saraakiisha maamulka gobolka, ayaa Warsidaha Garowe Online u xaqiijiyay in miino lagu aasay wadada qarkeeda ay ku qaraxday Gaari HOMY ah oo ay la socdeen rakaab ka tagey Afgooye, kuna sii jeeday degmada Balcad, ee gobolka Shabeellaha dhexe.
Lix ruux oo shacab ah, oo 2 haween yihiin ayaa la sheegay inay ku geeriyoodeen qaraxa miino, waxaana jira dad kaloo dhaawac uu kasoo gaarey kuwaasi oo loo qaadey Isbitaalka Balcad.
Qaraxa waxa uu ka dhacay deegaan lagu magacaabo Daniga, oo galbeed uga beegan dhowr Kiilo Mitir degmada Balcad.
GAROWE ONLINE
