Tababarihii xulka kubada cagta Soomaaliya oo shaqada ka tegay

MUQDISHO, Soomaaliya – Macalinkii guusha taariikhiga ah u soo hooyey xulka kubadda cagta Soomaaliya, Bashiru Hayford, ayaa shaqada ka tegay.

Tababarahaan u dhashay Ghana ayaa sababta is-casilaadiisa ku sheegay arrimo ammaan iyo weeraradda sii kordhaya ee Al-Shabaab.

Hayford ayaa ku hogaamiyey Soomaaliya guushii ugu horeysay ee Koobka Aduunka kadib dagaaladii sokeeye ee ka dhacay waddanka.

Bishii September, 2019, ciyaar ka tirsaneyd is-reereebka koobka aduunka ayay Soomaaliya 1-0 kaga badisay qaranka Zimbabwe.

Sidda ku xusan warqado caddeyn ah, macalinkaan ayaa qandaraas laba sano ah kula jiray Xiriirka Kubadda Cagta Soomaaliya.

Dhanka kale, saxaafadda cayaaraha Soomaaliya ayaa ku warameysa in is-casilaadda Hayford ay ahayd "mid aad loo filayey"

Sababta ayay ku qeexayaan isbedel "loo baahdey" in lagu sameeyo hogaanka qaranka isla markaana loo dhiibo macalimiin Soomaali ah.

Bishii Maaj, 2019-kii ayay ahayd markii Hayford uu la wareegay booska tababaraha xulka Soomaaliya, isagoo bedelay Maxamed Cabdullaahi Farayare.

GAROWE ONLINE