Wararkii ugu dambeeyay Banaabaxa looga soo horjeedo shirka shidaalka ee London

LONDON, UK - Waxaa magaaladda London ka socda banaanbax ballaaran, oo looga soo horjeedo Shirka looga hadlayo Shidaalka Somalia, kaasoo la sheegay in lagu beecinayo si xaraash kheyraadka dalka.

Shirkad ajnabi ah oo lagu magacaabo Spectrum ayaa soo qaban-qaabisay Shirka London, iyadoo ku casuuntay wafdi ka socda dowladda Federaalka, oo uu hogaaminayo wasiirka Batroolka, C/rashiid Maxamed Axmed.

Spectrum ayaa sahmin ku sameysa goobaha uu ku jiro Shidaalka Somalia, iyadoo xogtaasi ay usoo bandhigayso Shirkado daneeya maalgashiga Shidaalka dalka, kuwaasoo la sheegay in laga iibinayo ruqsado.

Villa Somalia ayaa beenisay in Shirka lagu iibinyo Shidaalka, iyadoo sheegtay in ujeedka loo qabanayo ay tahay in lagu soo bandhigyo natiijadda baaritaanka lagu sameeyay.

GAROWE ONLINE