Ururka Iskaashiga Islaamka oo mar kale garab-istaagay Soomaaliya

Midowga Baarlamaanada Ururka Iskaashiga Islaamka ayaa bayaan kasoo saarey heshiis-beenaadkii Itoobiya iyo Somaliland.

MUQDISHO, Soomaaliya - Guddoomiye Ku-Xigeenka Labaad Ee Golaha Shacabka, Cabdullaahi Cumar Abshirow iyo wafdi uu hogaaminayo ayaa ka qeebgalay Shirka 18-aad ee Midowga Baarlamaanada URURKA ISKAASHIGA ISLAAMKA (PUIC)  "Parliamentary Union of the OIC Member States (PUIC)".

Guddoomiyha waxaa shirkaan ku wahlinaya Xildhibaanada labada Aqal ee Baarlamaanka jamhuuriyada Federalka ee Soomaaliya Shirkan oo looga hadlayay Isbadalka Cimilada Aduunka ayaa waxa uu ka socdaa Magaalada abidjan ee Caasimadda Wadanka IVORYCOAST 

Intaas Kadib Guddomiyaha oo hadal kooban ka jeediyay shiraka ayaa ka warbixiyay xaalada Arrimaha Somaliya iyo sidoo kale heshiis beenaadkii ay galeen Itoobiya iyo Soomaaliland, isku dayga xad-gudbay Qaranimada, Madax-bannaanida iyo Midnimada Jamhuuriyadda Federaalka Soomaaliya.

Abshirow ayaa sheegay in Itoobiya ay jibisay inay ilaaliso xeerarka iyo mabaadiida deris-wanaagga, ixtiraamka Madaxbanaanida dhuleed ee Dowladda Soomaaliya.

Gabagabadii, shirka Midowga Baarlamaanada Ururka Iskaashiga Islaamka (PUIC) ayaa lagu caddeeyay inay si buuxda u diideen heshiis beenaadkii ay galeen Itoobiya iyo Soomaaliland, isku dayga lagu xad-gudbay Qaranimada, Madax-bannaanida iyo Midnimada Jamhuuriyadda Federaalka Soomaaliya.

Shirka PUIC ayaa waxa uu soo jeediyey Itoobiya inay ilaaliso xeerarka iyo mabaadiida deris-wanaagga, ixtiraamka Madaxbanaanida dawladaha, iyo in aan la faragelin arrimahooda gudaha si loo helo amni iyo xasilooni ka dhalata gobolka.

GAROWE ONLINE