Wasiiradda Hir-Shabelle oo la dhaariyay
-
- Posted On 13-03-2017, 08:04PM
JOWHAR, Somalia- Waxaa galabta lagu dhaariyay magaalada Jowhar Golaha cusub ee wasiirrada Hir-Shabelle, kuwaasi oo maalmo kahor uu ansixiyay Baarlamaanka maamulkaasi.
Madaxweynaha Cali Cabdullaahi Cosoble, ku xigeenkii iyo Gudoomiyaha Baarlamaanka maamulkaasi Sheekh Cismaan Barre Maxamed ayaa ka qeyb-galay munaasabada dhaarta.
Madaxweyne Cosoble, ayaa Xildhibaanada Baarlamaanka usoo bandhigay Barnaamijka xukuuamaddiisa ku shaqeyn doonto 4 sano ee soo socoto.
Golaha Wasiiradda cusub ayuu kula dardaarmay Madaxweynuhu, inay gutaan waajibaadka loo doortay oo ah inay u adeegaan shacabka HirShabelle.
Cosoble, ayaa balan-qaaday waxqabad iyo hufnaan, isagoo hoosta ka xariiqay in 100-ka maalmood ee soo socda uu la imaan doonoo isbedel la taaban karo.
Wasiirrada Hir-Shabelle oo ka kooban 52 xubnood, oo isagu jiro wasiirro, ku xigeenno iyo wasiiru dowlayaal ayaa waxaa magacaabay Madaxweyne Cosoble bishii lasoo dhaafay.
GAROWEONLINE
