Wasiirka Amniga: Dad baa loo qabtay Qaraxii Zoobe [Dhageyso]
-
Wariyaha Muqdisho Mogadishu, Somalia
- Posted On 21-10-2017, 03:45PM
MUQDISHO, Soomaaliya - Wasiirka amniga Xukuumadda Soomaaliya, Maxamed Abukar Islow ayaa sheegay in Hay'adaha amniga ay gacanta ku dhigeen dad lala xiriirinayo qaraxiii Zoobe.
"Waxaan rabaa in shacabka Soomaaliyeed la wadaago in qaraxii Zoobe ay dad u xiran yihiin, sidoo kalena aan heyno xog muhiim ah, oo aan dhawaan soo badhigi doono," ayuu yiri Wasiirka amniga.
Ma uusan sheegin Wasiirka tirada dadka xiran.
Wararka kale, ayaa sheegaya inay labo qof yihiin, oo midkooda uu yahay wiil dhalinyaro ah, oo waday Gaarigii NOAH-da ee ku qaraxday Xaafadda Ceel Qalow wax yar kadib qarxii Isgoyska Zoobe.
Lama oga wali cida ka dambaysay qaraxii 14-kii bishan ka dhacay Zoobe, balse waxaa xusida mudan in mid kamid ah Shirkadaha Isgaarsiinta dalka ay Muqdisho soo gelisay Gaariga oo noociisu ahaa TM.
Gaawarida Ciidanka ayaa iyaga mustacmal ah waxaa laga keenaa dalka Talyaaniga sidaas waxaa was qortey jariidad kasoo Baxda taasoo ku sheegtey in shirkado ganacsi laga leeyahay Wadanka Talyaaniga iyo dad Soomaaliya ah ka shaqeystaan.
Waxay hay'adaha amniga ku guuldareesteen inay kahor tagaan gaariga inta uusan qarxin, iyagoo hayay xogtiisa islamarkaana ku baacsaday gudaha magaalada Muqdisho.
Isgoyska Zoobe ayaa ku qarxay kadib markii wadada ku xirantay, kadibna uu ku dhacay baabuur halkaasi taagnayd, oo saf ugu jiray inay ka gudbaan bar-koontarool oo ay Booliska dowladda ku baaro gawaarida.
GAROWE ONLINE
