Weerar qaraxyo la socdaan oo lagu qaadey xarun ku taal magaalada Gaalkacayo
-
GAROWE ONLINE
- Posted On 26-11-2018, 08:15AM
GAALKACAYO - Magalaada Gaalkacyo ayaa saaka weerar Qaraxyo iyo dagaal toos ah isugu jira lagu qaaday Guri u degaana wadad la yiraahdo Cabdiweli Cali Cilmi oo ku yaal duleedka koonfureeed ee xarunta gobolka Mudug.
Wariyaal Galkacayo ku sugan ayaa u sheegay GO in wararka horudhaca ah ay sheegayaan in wadaadkii iyo dadkale ay goobta ku geeriyoodeen iyadoo tirada dhimashada gaareyso 20 Ruux.
Goobta weerarkaan uu ka dhacey oo ku taal magaalada Galkacayo dhinaca maamulka Galmudug maamulo ayaa la sheegay in ay gaareen Ciidamada Danab ee Dowlada Federalka waxaa weli rasaas laga maqlayaa goobtaas iyadoo la sheegayo in kooxihii weerarka soo qaadey gudaha ugu jiraan.
Ninkaan la weeraray ayaa caan ku ahaa Xadro iyo Music baraha bulshada la soo galin jiray oo qaarkood dhowr jeer muran iyo shaki badan dhaliyey Muslinimadiisa.
Al-shabaab ayaa sheegatay in ay weerarkaasi ku khaarajinyeen Cabdiweli Cali Cilmi iyo 11 kale oo ilaaladiisa ahaa.
GAROWE ONLINE kala soco wararka dambe ee la xiriira weerarkaan.
