Xasan Shiikh iyo Shiikh Shariif oo dagay Hotel ku dhow Villa Somalia
-
GAROWE ONLINE
- Posted On 18-02-2021, 03:26AM
MUQDISHO, Soomaaliya | Madaxweynayaashii hore ee Soomaaliya Xasan Sheekh iyo Shiikh Shariif ayaa habeenkii xalay waxay dageen Hotelka Naasahablood 2 oo ku dhow Madaxtooyada Villa Somalia.
Wararka ayaa xusaya in labada Madaxweyne ay Hotelka ka abaabulayaan bannaan baxa Jimcaha 19 Feb.2021 ka dhacaya magaalada Muqdisho.
Hotelka Nasahablood 2 ayaa waxaa uu ku dhow yahay Taalada Daljirka Dahsoon halkaas oo loogu balansan yahay in musharaxiinta u tartamaya xilka Madaxweynaha iyo tageerayaashooda ku diidaan qorshe Madaxweynaha xilka uu ka dhamaadey "Farmaajo" ku sii joogo Villa Somalia isagoo aan qaban wax doorasho ah.
Ciidamo fara badan oo ilaalo u ah labada Madaxweyne ee hore ayaa la wareegay ammaanka Hotelka iyo nawaaxigiisa. Hotelka Naasahablood 2 waxaa ku dhow Bar koontarool oo Ciidanka Madaxtooyada ku leeyihiin agagaarka Taalada Xaawo Taako.
Qabashada mudahraadkaan ayaa ku soo beegantey qoraal xalay ka soo baxay Madaxweynaha xilku ka dhamaadey in 18-19 Feb. shir ay isugu imaanyaan madaxda Maamulada kaa soo ugu dambeyntii la ogolaadey inuu ka dhaco Muqdisho.
GAROWE ONLINE
