Xildhibaan si adag uga fal-celiyay warar been abuur ah oo laga faafiyay
-
WARIYAHA NAIROBI GAROWE ONLINE
- Posted On 10-04-2019, 04:35AM
NAIROBI, Kenya – Dadwaynaha adeegsada baraha bulshadda ayaa maalmihii dambe isla dhex-marayay in uu geeriyooday Xildhibaan Ken Okoth, oo kamida baarlamanka wadankaasi Kenya.
Hasayeeshee, mudanaha oo ka fa-celiyay arrinkaasi ayaa gaashaanka ku dhuftay wararkaasi, isaga oo codsaday in laga joojiyo ka been abuurashada nafsadiisa.
"Dadku waa in ay joojiyaan in ay igu dilaan kahor waqtigeyga kutur-kuteen," ayuu yiri qoraal uu soo dhigay bartiisa Twitter-ka.
Okoth oo 41-sano jir ah kaasi oo laga helay kansarka heerka 4aad ayaa rajo ka muujiyay in uu kasoo kabto.
"Wanaaga wali ma aysan imaan … aniga waan badbaaday … waana kasoo kaban doonaa," ayuu hadalkiisu ku daray.
Bishii Febraayo ayay ahayd markii uu mudanaha uu ku dhawaaqay in uu qabo Kansarka, uuna ku howlan yahay sidii uu uga soo kaban lahaa.
Kansarka oo kamid ah cudurada dilaaga ah ee sanadihii u dambeeyay kusoo badanayay dunida ayaa daawadiisu ku yar tahay Kenya, taasi oo ku riixday sharcidejiyaha in uu dibada ka raadsado.
GAROWE ONLINE
