Xildhibaanada Aqalka Sare oo Guddiyo ansixiyay

MUQDISHU, Somalia- Xildhibaanada Aqalka Sare ee Barlamanka Federaalka Somalia, ayaa maanta kulan ku yeeshay magaalada Muqdishu caasumadda Somalia, kaasoo ay uga hadlayeen arrimo dhowr ah kusaabsan howl-maalmeedkooda. 

Fadhiga mudanayaasha ayay ku ansixiyeen guddiyo KMG ah oo ka shaqayn doona howlaha Xildhibaanada kuwaasoo kala ahaa; 

1-Guddiga Amniga 

2-Guddiga Miisaaniyada

 3-Guddiga Gudiga Shaqaaleynta Shaqaalaha Aqalka Sare 

4-Guddiga Xeer hoosaadka Aqalka Sare 

5-Guddiga Sameynta Astaanta Aqalka Sare.

Guddiyadan ayaa laga codsady inay dhakhso bilaabaan shaqada loo igmaday si Xildhibaanadu u gutaan waajibaadka Qaran ee saaran.

Dhinaca kale Xildhibaanada golaha Sanet  ayaa ansixiyey  Xildhibaan Cabdikaafi Macallin Xasan Xildhibaan Fartuun Cabdiqaadir Faarax ay noqdaan  Hab-dhawrayaasha Aqalka Sare.

Waa kulankii ugu horeeyay ee ay yeeshaan tan iyo markii ay dhacday doorashadii Madaxweynaha Somalia dhowr todobaad kahor.

GAROWEONLINE