Xisaabiyihii Guud Qaranka oo xilka laga qaadey [COD]
-
- Posted On 05-10-2017, 02:58PM
MUQDISHO, Somaliya - Gollaha Wasiirada Xukuumadda Federaalka Somaliya, ayaa maanta xilkii ka qaadey Xisaabiyihii Guud ee dalka, Axmed Yuusuf Siraaji, kadib Kulan ay ku yeesheen Muqdisho.
Golluhu wuxuu u magacaabay xilkaasi Faadumo Cismaan Faarax, oo magacaabisteeda soo jeediyay Wasiirka Maaliyadda Xukuumadda, Cabdiraxmaan Ducaalle Beyle.
Kulanka oo uu shir gudoomiyay Ra'iisul Wasaare Xasan Cali Khayre ayaa waxaa sidoo kale looga hadlay arrimo dhowr ah, oo ay kamid yihiin Shirkii Guud ee QM, oo Somaliya uga qeyb-galay mudane Khayre.
Ra’iisul Wasaare Khayre ayaa Golaha Wasiirada warbixin ka siiyay shirkii QM ee uu uga qeyb galay New York, wuxuuna sheegay in caalamka uu hadda u heelan yahay inay wax u qabtaan Somaliya.
Gollaha Wasiirada Xukuumadda waxay sidoo kale intii uu socday kulankooda ay Caalamka ka codsadeen in Dowladda Somaliya laga cafiyo lacagaha lagu leeyahay, si dalka uu hormaro dhaqaale uu u gaaro.
GAROWE ONLINE
