Waan waan ka socota gobolka Sool [Dhagayso]

LAASCAANO- Magaalada Laascaano ee xarunta gobolka Sool waxaa ka soconaya dhaqdhaqaaq ku aadan sidii loo joojin lahaa dhiiga ku qubanaya deegaanka Dharkayn-geeyo ee gobolkaasi.

Gudoomiyihii hore gobolka Sool ee Puntland Axmed Ibraahin Faracade oo la hadlayay maanta Radio Garowe ayaa sheegay in magalada Laascaano uu ka socdo abaabul ku aadan joojinta colaadda, isagoona intaas ku sii daray in shalay wax-garad ay ku baxeen goobaha dagaaladu ka dhaceen.

Faracade, ayaa xusay in khilaafkan muddo soo socday islamarkaana rajaynayaan inay dhawaan soo afjaraan, isagoo intaasi raaciyay in Odayaasha labada dhinac oo kaashanaya waxgaradka gobolka ku howllanyihiin sidii looga fogaan lahaa dhiig mar kale daata.

Dagaal bishan gudaheeda ka dhacay gobolka Sool ayaa sabab dhimasho, dhaawac iyo barakac u dhaxaysa beelaha ood-wadaaga  ah.

Wararkii ugu danbeeyay aan ka helayno Dharkayn-geeyo waxay sheegayaa in dagaalo xalay halkaasi ka dhacay ay sababeen dhimasho iyo dhaawac labada dhinac ah.

GAROWEONLINE