Dowladda Soomaaliya oo Sharci darro ku tilmaantay Heshiiska DP World iyo Somaliland
-
Wariyaha Muqdisho Garowe Online
- Posted On 02-03-2018, 02:22PM
MUQDISHO, Soomaaliya - Dowladda Federaalka ah ee Soomaaliya ayaa sharci darro ku tilmaantay Heshiiskii dhanka maamulka iyo ballaarinta Dekedda Berbera ee Somaliland la gashay Shirkadda laga leeyahay Imaaraadka Carabta ee DP World.
Heshiiskan oo dhigaya in 19% dhaqaalaha kasoo xarooda Dekedda Berbera ay helayso dowladda Itoobiya ayaa waxaa gaashaanka u daruuray Wasaaradda Dekedaha iyo Gaadiidka Badda Xukuumadda Federaalka Soomaaliya.
Qoraal kasoo baxay Wasaaradda ayaa lagu sheegay in dowladda Soomaaliya ay mas'uul ka tahay arrimaha Dekedaha dalka, sidaasi darteedna cid aysan heshiis la galin karin Shirkad ama dowlad shisheeye iyadoo aan ka war qabin.
Hadalka Wasaarada Dekeddaha Soomaaliya ayaa ku soo beegmey xilli uu Ra'iisul Wasaaraha Xasan Cali Khayre Booqasho labo maalmood qaadatey ku tagey dalka Imaaraadka Carabta oo laga leeyahay Shirkadda DP World.
Hoos ka akhri War Saxaafadeedka:
GAROWE ONLINE
