Dal mamnuucay in laga waramo xaalada caafimaaddka madaxwaynahooda

Hoggaamiyaha 91-jirka ah - oo xilka hayay in ka badan afartan sano - laguma arag meel fagaare ah tan iyo 8-dii Sebtembar.

NAIROBI, Kenya - Mas'uuliyiinta Cameroon ayaa warbaahinta ka mamnuucay inay ka hadlaan caafimaadka madaxweyne Paul Biya, kadib markii ay soo baxeen warar sheegaya in dhimashadiisa.

Wasiirka arrimaha gudaha Paul Atanga Nji ayaa u sheegay gudoomiyaasha gobollada in sheekooyinkan ay " carqaladeynayaan xasilloonida dadka reer Cameroon ".

"Dood kasta oo ka dhaca warbaahinta oo ku saabsan xaaladda madaxweynaha si adag ayaa loo mamnuucay," ayuu ku adkaystay, isagoo ku hanjabay "in dembiilayaasha ay wajihi doonaan sharciga adag."

Hoggaamiyaha 91-jirka ah - oo xilka hayay in ka badan afartan sano - laguma arag meel fagaare ah tan iyo 8-dii Sebtembar, markaasoo uu ka qaybgalay shirkii Shiinaha iyo Afrika ee Beijing.

Dhowr mas'uuliyiin ah ayaa gadaal ka riixay wararka la isla dhexmarayo ee ku saabsan xaaladda Biya, iyagoo ku adkeystay inuu caafimaad qabo oo uu si gaar ah u joogo Geneva, Switzerland.

GAROWE ONLINE