Itoobiya oo bilowday dhaqdhaqaaqa kadib hubkii Masar geystay Muqdisho
-
WARIYAHA ADDIS ABABA GAROWE ONLINE
- Posted On 29-08-2024, 10:43AM
MUQDISHO, Soomaaliya - Dawladda Itoobiya ayaa qayb muhiim ah oo ka mid ah ciidamadeeda ka soo rartay magaalada Harar, waxayna geysay Godey, oo ka tirsan maamulka Somali State.
Talaabadan ayaa waxay si buuxda u muujinaysaa isbeddel istaraatiiji ah oo ku aaddan hawlgalkeeda.
Go'aankan ayaa ka dambeysay kadib markii fariisin ciidan kale ay ka sameysteen deegaanka Feer Feer oo 50 KM oo kaliya u jira magaalada Baladweyne.
Saldhiga ayaa sida muuqata waxay doonaysaa in ay mideyso ciidamada Itoobiya ee ku sugan gobolkaasi.
Intaa waxaa dheer, warbaahinta ciidamada Itoobiya ayaa qorsheynaysa inay soo bandhigto muhiimadda doorka cusub ee Godey ee baahinta soo socota.
Talaabooyinkan ayaa kusoo aadaya xilli Masar ay todobaadkan magaalada Muqdisho keentay saanad ciidan oo ballaaran ayna siisay Dowladda Federaalka ah ee Soomaaliya.
GAROWE ONLINE
