Madaxweynaha Cameroon oo ugu dambeyn shaashadaha kasoo muuqdey

Paul Biya oo 91 jir ah ayaa markii ugu horeysay lagu arkay meel fagaare ah muddo lix todobaad ah.

NAIROBI, Kenya - Madaxweynaha Cameroon Paul Biya oo 91 jir ah ayaa markii ugu horeysay lagu arkay meel fagaare ah muddo lix todobaad ah iyada oo la hadal hayo xaaladiisa caafimaad oo liidata.

Ka maqnaanshihiisa indhaha bulshada ayaa keentay warar aan sal iyo raad toona lahayn oo ku saabsan dhimashadiisa.

Laakin galabnimadii isniinta taleefishinka qaranka ayaa soo bandhigay muuqaalka madaxweynaha oo ka soo degay garoonka diyaaradaha ee caasimadda Yaoundé, isagoo ka duulaya Switzerland.

Dawladdu waxay ka mamnuucday warbaahinta inay ka hadlaan caafimaadka Biya - oo xukunka haysa tan iyo 1982 - iyada oo u kala saaraysa arrin ku saabsan amniga qaranka.

GAROWE ONLINE