Carro ka dhalatay telefishin u gufay ciyaaryahanad xijaab xiratay
-
WARIYAHA CAALAMKA GAROWE ONLINE
- Posted On 05-08-2023, 05:28AM
TORONTO, Canada - Telefishinka Faransiiska ee CNews ayaa la kulmay dhaleeceyn xooggan kadib markii uu faafiyey hadallo Islaam nacayb ah, sidda laga soo xigtey Daily Sabah.
Hadaladan ayuu ku beegsadey ciyaaryahanadda kubbadda cagta ee Morocco Nouhaila Benzina iyo go'aankeedii dhaxal-galka ahaa ee ahaa inay xidhato xijaabka inta lagu guda jiro Koobka Adduunka Haweenka ee 2023.
CNews ayaa waxa uu duray go'aanada Benzina. Hase ahaatee, Muslimiinta waxay uga falceliyeen si xooggan iyaga oo iska-diidey in xishoodka gabadha laga dhigo wax fool xun.
Qaar kamid ah dadka naqdiyey ficilka Telefishinka ayaa waxa ay dalbadeen in Tv-ga uu bixiyey raaligelin buuxda. Hase ahaatee, waxaa muuqanaysa in uusan wali u hogaansamin.
Ciyaaryahanada reer Morocco ayaa taariikhda baal dahab ah ka gashay markii ay noqotey laacibadii ugu dambeysay ee Koobka Aduunka ku xiratay XIjaab taas oo horey aan u dhicin.
GAROWE ONLINE
