Colombia oo joojisay dhuxushii ay u dhoofineysay maamulka Yahuuda

Madaxweynaha Colombia Gustavo Petro ayaa bayaan uu soo saaray ku sheegay in talaabadan ay la xiriirto xasuuqa Gaza.

DOOXA, Qadar - Dowladda Colombia ayaa si rasmi ah u ansixisay mamnuucidda dhoofinta dhuxusha ee Israel si loogu ciqaabo dagaalka xansuuqa ah ee ay muddada tobanka bilood ah ku hayso Falastiiniyiinta Gaza.

Madaxweynaha Colombia Gustavo Petro ayaa bayaan uu soo saaray ku sheegay "Dhuxusha Colombia waxaa loo isticmaalaa bambooyinka lagu dilo carruurta Falastiiniyiinta."

Haddaba, “Dhoofinta Dhuxusha Kulul ee Israa’iil” waa mamnuuc, sida lagu sheegay wareegtada, oo ay saxiixeen xubnaha golaha wasiirada xukuumaddiisu.

GAROWE ONLINE