Erdogan oo qaaday tallaabo ka farxisay Dowladda Sweden
-
GAROWE ONLINE XAFIISKA MUQDISHO
- Posted On 23-10-2023, 04:32PM
ANKARA - Madaxweynaha Turkiga Recep Tayyip Erdogan ayaa baarlamaanka Turkiga u gudbiyay galka ku biiritaanka Sweden ee ururka NATO, si uu u ansixiyo.
Madaxtooyada Turkiga ayaa qoraal uu soo dhigay bartiisda “X” ku xaqiijisay in uu saxiixay hab-maamuuska ku biiritaanka Sweden ee NATO bishii Oktoobar 23, 2023 wuxuuna u gudbiyay Golaha Shacabka.
Intii lagu guda jiray shirkii NATO ee Vilnius bishii Luulyo ee la soo dhaafay, madaxweynaha Turkiga wuxuu ogolaaday inuu ansixiyo ka mid noqoshada Sweden ee NATO.
Erdogan ayaa muddo sii waday inuu ku cadaadiyo Sweden inay qaado tillaabooyin ka dhan ah falalka lagu xumeynayo Qur'aanka taasoo keentay inuu xumaado xiriirka labada dal.
GAROWE ONLINE
