Israa’iil oo sheegatay dilka sarkaal sare oo ka tirsan XMS

Ciidamada Israa’iil ayaa maanta ku dhawaaqay in ay dileen sarkaal ka tirsan waaxda amniga gudaha ee XMS.

Qasa (GO) - Ciidamada Israa’iil ayaa maanta ku dhawaaqay in ay dileen sarkaal ka tirsan waaxda amniga gudaha ee Xamaas oo lagu magacaabo Akram Abdel Rahman Hussein Salama, iyaga oo xusay in uu qorsheeyay weeraro oo ka fulinayo gudaha Israa’iil.

Afhayeenka ciidamada Israel ee warbaahinta Carabta, Avichay Adraee, ayaa ku qoray X, “Ciidamada Israa’iil waxay meesha ka saareen sarkaal ka tirsan adeegga amniga gudaha ee Xamaas oo doonayay inuu weeraro argagixiso ah ka fuliyo marinka Qasa iyo gudaha dhulka Israa'iil."

Waxa uu intaa ku daray, "Arbacadii la soo dhaafay, diyaaradaha dagaalka ee Ciidamada Cirka waxay duqeyn ku dileen Akram Abd al-Rahman Hussein Salama, oo ah sarkaal ka tirsan waaxda gudaha ee Xamaas. "

Adraee oo hadalkiisa sii wata ayaa intaa ku daray, "Wuxuu sidoo kale doonayay in uu ka fuliyo marinka Qasa hawlgalo waaweyn lala jeeday in lagu waxyeeleeyo hawlaha Ciidamada Israa’iil, marka lagu daro in uu ku lug lahaa qorsheynta iyo fulinta weeraro ka dhacay gudaha Israa'iil."

GAROWE ONLINE