Laftagareen oo kala hadlay safiirka Ingiriiska wajiga 2-aad ee dagaalka ‘AS’
-
GAROWE ONLINE XAFIISKA MUQDISHO
- Posted On 11-11-2023, 11:44AM
BAYDHABO, Soomaaliya - Madaxweynaha Dowladda Koonfur Galbeed Cabdicasiis Xasan Maxamed Laftagareen ayaa Xarunta Madaxtooyada Magaalada Baydhabo ku qaabilay Danjiraha Dowladda Ingiriiska u fadhiya Soomaaliya Michael Nithavrianakis iyo wafdi uu Hogaaminayey.
Kulankan ayaa waxaa sidoo kale ku wehliyay madaxweyne Laftagareen Wasiirada Wasaaradaha Qorshaynta, Cadaalada, Gargaarka iyo Howlaha guud.
Kulanka ayaa waxaa looga hadlay Saamaynta Fatahaadka Biyaha, u diyaar garowga Wajiga 2-aad ee Dagaalka ‘AS’, Xoojinta Wadashaqaynta iyo hirgelinta mashaariicda loogu adeegayo Bulshada.
Safiirka Dowladda Ingiriiska u fadhiya Soomaaliya ayaa adkeeyey in socdaalkiisa Magaalada Baydhabo ay tahay sidii Dowladda Ingiriiska ay kaalin ugu qaadan lahayd u-gur-mashada dadka ay saameeyeen fatahaadaha.
GAROWE ONLINE
