Macalimiinta oo kasii dabar-go'aya iskuulada Poland iyo Hungary

Iso-soo-baxa walwal looga muujinayo qadiyaddan ayaa ka dhacay qaybo kamid ah wadamadan.

WARSAW, Poland - Dhibaatooyinka ay wajahayaan iskuulada ku yaala dalka Poland ayaa sii kordhaya iyadoo macalin la'aanta ay ugu daran tahay. Qaar badan oo ka mid ah barayaasha iyo waalidiinta ayaa ka baqaya in nidaamka waxbarashada loo isticmaalo in dhalinyarada lagu beero aragtida xisbiga talada haya ee muxaafidka iyo qarannimada.

Ewa Jawarska waxa ay macalin ahayd ilaa 2008 waxa ayna jeceshay la shaqaynta dhalinyarada. Laakiin mushaharka yar ayaa sabab u noqon kara in ay dhigto qalinka iyo buugga.

Xitaa waa in ay soo iibsataa agabkeeda waxbaridda mararka qaarkood oo ay ka niyad jabto dowladda oo adeegsanaysa dugsiyada si ay kor ugu qaaddo fikradaha muxaafidka ah oo ay u aragto dib u dhac.

Sida macalimiin badan oo reer Polish ah, Jawarska waxay ka fekereysaa in ay xirfad kale raadsato. "Waxaan rajeynayaa in xaaladdu ay wali isbedesho," ayuu yiri 44-jirka, oo wax ka dhiga dugsiga sare ee Warsaw.

Jawarska oo sii hadlaysa ayaa raacisay: "Laakiin nasiib darro, way sii xumaanaysaa, markaa waqtiga ayaa sheegi doona haddii sanadkan uu noqon doono kii iigu dambeeyay".

Kumanaan kun oo qof ayaa isugu soo baxay Jimcihii iyagoo is garabsanaya macallimiinta Budapest, waxaana muujiyeen aragtida ah in gunnada yar ee macallimiinta ay la xiriirto jihada kalitaliska ah ee xukuumadda Ra'iisul Wasaare Viktor Orban.

"Dal xor ah, waxbarasho bilaash ah!" ayay ku qaylinayeen mudaaharadayaasha oo isugu soo baxay meelo ay kamid tahay magaalada caasimadda ah ee Warsaw.

Macallim la'aanta ayaa timid waqti xun maadaama labada waddan ay isku dayayaan inay martigeliyaan qaxootiga kasoo baxay duulaanka Ruushka ku qaadey dalka deriska la ah ee Ukraine.

Poland ayaa qabta dhibaatadda ugu weyn sababo ku aadan in ay halkaas ay hadda ku nool yihiin boqollaal kun oo qaxooti Yukreeniyaan ah oo da'doodu gaartey waqtiga waxbarashadda.

Ku dhawaad ​​200,000 oo arday oo Ukrain ah, kuwaas oo intooda badan aan ku hadlin Polish, ayaa horey u galay iskuulada Polish ka dib markii uu dagaalku bilowday Febraayo 24. Wasiirka waxbarashada ayaa sheegay in tirada guud ee ardayda Ukraine ay seddex jibaari karto sanad dugsiyeedkan soo socda, iyadoo ku xiran sida uu dagaalku u dhaco.

GAROWE ONLINE