Netanyahu oo gudaha Qasa kaga dhawaaqay in uu sii wadi doono dagaalka
-
GAROWE ONLINE XAFIISKA MUQDISHO
- Posted On 26-11-2023, 06:14PM
QASA (GO) - Ra’iisul wasaaraha Israa’iil Benjamin Netanyahu ayaa gaaray Marinka Qasa, isagoo ballan qaaday inuu sii wadi doono dagaalka halkaas ka socda.
Warbaahinta Israa’iil ayaa baahisay muuqaallo muujinaya Netanyahu oo xidhan koofiyadda ciidamada iyo jaakadda aanay xabbadu karin.
Waxaa la sheegay in Netanyahu uu socdaal ku tagay Marinka Qasa, wuxuuna ka dhageystay Saraakiisha warbixinno ku saabsan howlgallada milateri.
Netanyahu waxaa socdaalkan ku weheliyay Lataliyaha Amniga Qaranka Israel Tzachi Hanegbi.
Ra'iisul wasaaraha Israa'iil ayaa hadallo uu jeediyay ku yiri: "Waxaan ku dadaali doonnaa inaan soo celinno dhammaan maxaabiista."
GAROWE ONLINE
