Netanyahu oo u digay Xamaas & dadka ku dhaqan Qassa

QUDUS - Ra’iisul wasaaraha Israa’iil Benjamin Netanyahu ayaa maanta sheegay in dagaalka Marinka Qassa “uu qaadan doono waqti,” wuxuuna wacad ku maray inuu wax ka bedeli doono Bariga Dhexe.

Netanyahu ayaa hadalkaan ka sheegay kulan oo la yeeshay madaxda golayaasha deegaanka ee Israa’iil, siiba deegaanada ay Xamaas iyo kooxaha Falastiiniyiinta ay weerar ku qaadeen..

Waxa uu yiri: "Hoggaankiina aad ayuu u xooggan yahay maalmahan adag. Waqti ayay qaadan doontaa, waxaana loo baahan yahay mawqif adag in aan qaadano.

Netanyahu ayaa raaciyay: "Waan ogahay inaad soo marteen waxyaabo aad u xun oo adag," Wuxuuna u hanjabay uruka Xamaas, isagoo sheegay in "waxa aad mari doontaan waxa ay noqon doontaan wax adag oo laga argagaxo."

GAROWE ONLINE