Sababta keentay geerida boqorad Queen Elizabeth II oo la shaaciyey
-
WARIYAHA LONDON GAROWE ONLINE
- Posted On 29-09-2022, 03:49PM
LONDON, United Kingdom - Boqoradda Elizabeth II waxay u dhimatay "da'deeda oo weyneyd awgeed", sida ku cad shahaadadeeda dhimashada, taas oo ay sii daysay Xarunta Diiwaanka Qaranka ee Scotland.
Shahaadada oo nuqul kamid ah warbaahinta ay aragtey ayaa muujineysa in Boqoraddu ay ku dhimatay 15:10 Sebtembar 8-dii Sebtembar gudaha Balmoral Castle, iyadoo da'deedu tahay 96 jir.
Qiraalkan ayaa ka dhigan in boqoradda ay geeriyootey saddex saacadood kahor inta aan la xaqiijin geerideeda. Tani waxay ka dhigan tahay in sheekadda ku saabsan in isbitaal la dhigay ay ahayd dareen soo jeedin.
Princess Anne oo kamid ah qoyska boqortooyadda Ingiriiska ayaa sidoo kale waxaa loo diiwaan galiyay inay tahay qofka bixinaya macluumaadka ku saabsan dhimashada boqorada.
Sida ku xusan shahaadadda, dhakhtarkii caddeeyey geerida Balmoral ee Aberdeenshire wuxuu ahaa Douglas Glass kaasoo qasriga Buckingham Palace ku wargeliyey in boqoradda ay geeriyootey.
"Markii ay noolayd waxaa jiray daah sir ah oo ku wareegsan caafimaadka boqoradda, dhimashadeedana waxaa jiray xannibaadyo," ayay sheegtay laanta dibada ka hadasha ee BBC-da.
Boqorka cusub ee Charles iyo walaashii amiirad Anne waxay hore u joogeen Scotland, laakiin xubnaha kale ee qoyska boqortooyada ayaa kadib u safray magaaladda Balmoral kahor shaacinta dhimashadda.
GAROWE ONLINE
