Saudi Arabia iyo Kuwait oo Qaaday Xannibaadihii Hakiyay qorshaha Trump ee Hormuz

Dowladaha Sacuudi Carabiya iyo Kuwayt ayaa qaaday xayiraadihii saarnaa ciidanka Maraykanka, iyagoo u oggolaaday inay si buuxda u adeegsadaan saldhigyadooda milateri iyo hawada dalalkooda si ay u fuliyaan hawlgallo ka dhan ah khataraha gobolka.

Tallaabadan ayaa timid ka dib markii ay kor u kacday xiisadda ka taagan Bariga Dhexe, gaar ahaan weerarada ay geysanayaan kooxaha ay Iran taageerto.

Labada dal ayaa horay u xaddiday adeegsiga saldhigyadooda si ay uga fogaadaan inay qayb ka noqdaan iska horimaad toos ah, balse go’aankan cusub ayaa muujinaya isbedel weyn oo ku yimid siyaasadda amniga ee gobolka.

Oggolaanshahan ayaa u suurtagelinaya ciidamada Maraykanka inay si degdeg ah uga falceliyaan weerarada ka dhanka ah danaha reer galbeedka iyo maraakiibta ganacsiga, iyadoo sidoo kale dib u xoojinaysa iskaashiga istiraatiijiyadeed ee u dhexeeya Washington iyo xulafadeeda Khaliijka.

GAROWE ONLINE