Toban qof oo ku dhimatay toogasho ka dhacdey Mareykanka

Ciidamadda amaanka ayaa baadigoobaya shaqsiga ka dambeeyay toogashaddan.

WASHINGTON, United States - Ugu yaraan 10 qof ayaa ku dhimatay toogasho ka dhacday goob ganacsi oo ku taal magaalada Monterey Park ee gobolka California ee waddanka Mareykanka.

Sida ay saraakiil ka tirsan booliisku sheegeen, 10 kalena ugu yaraan waa ay ku dhaawacmeen falka - qaar ka mid ah dadkaas ayaa xaaladoodu liidataa taasoo ka dhigan in ay halis wajahayaan.

Falkan ayaa waxa uu dhacay iyadda oo Kumanaan dad ah ay goor sii horeysay Axada maanta ah ay isugu soo baxay magaalada Monterey Park ee dabbaaldegga sanadka cusub.

Ciidamadda amaanka ayaa baadigoobaya shaqsiga ka dambeeyay toogashaddan. Saraakiisha ayaa xaqiijiyey in eedeysanaha uu rag yahay. Balse, illaa haatan lama aqoonsan wajigiisa.

Muuqaalo lagu baahiyay baraha bulshada ayaa muujinaya ciidamo badan oo booliis ah oo jooga magaalada gaar ahaan meel qiyaastii sideed mayl (13km) bari ka xigta magaalada Los Angeles.

Bandhiga sanadka cusub ee dayaxa ee Monterey Park waa dhacdo sanadle ah oo lagu xuso bilawga kalandarka dayaxa, kaas oo lagu xuso Shiinaha iyo dhaqamada kale ee Bariga Aasiya.

Sida laga soo xigtay mareegaha dawladda hoose, Bandhiga sanadkan ayaa waxaa lagu soo bandhigay qoob-ka-cayaaraha sanadka cusub ee Libaaxa iyo masduulaayada iyo sidoo kale goobo cuntada lagu kariyo, meelaha la raaco, iyo madadaalo kale.

Waxa kale oo ay sheegaysaa in dhacdooyinkii hore ay soo jiiteen in ka badan 100,000 oo booqasho ah maalin kasta oo ka kala yimid koonfurta California. Halkan waxaa laga sameeyaa lacag.

GAROWE ONLINE