Trump oo ku hanjabay "inuu dhiig daadan doono" haddaan la dooran

Madaxwaynihii hore ee Mareykanka ayaa dhowaan loo doortey murashaxa matali doono xisbiga Jamhuuriga.

WASHINGTON, USA - Donald Trump ayaa isu soo bax ka dhacay Ohio ka sheegay in doorashada madaxtinimada ee November ay noqon doonto "taariikhda ugu muhiimsan" ee taariikhda Mareykanka.

Maalmo kadib markii uu xaqiijiyay inuu yahay musharraxa Jamhuuriga, Trump ayaa sidoo kale ka digay "inuu dhiig daadan doono" haddii aan la dooran - inkastoo aysan caddayn waxa uu ula jeedo.

"Taariikhda --xusuusnow tan, Noofambar 5 -- Waxaan aaminsanahay inay noqon doonto taariikhda ugu muhiimsan sooyaalka waddankeena," ayuu 77-jirkan u sheegay dibad-baxayaasha.

Banaanbaxa ayaa Sabtidii ka dhacay Vandalia, Ohio. Trump wuxuu ku celceliyay hadalo ka dhan ah murashaxa la tartamaya, Madaxweyne Joe Biden, isaga oo ku qeexay "madaxweynaha ugu xun".

"Hadda haddaan la i dooran waxaa daadan doono dhiig badan, haa, taas ayaa waxa ay noqon doonta inta ugu yar," ayuu hoosta ka xariiqay madaxwayne Joe Biden.

Horaantii bishaan Trump iyo Biden mid walbaa wuxuu ku guuleystey ergo ku filan si ay u hantaan magacaabista xisbigooda ee tartanka madaxtinimada 2024.

Dhammaantood marka laga reebo xaqiijinta isku dhafka iyo dejinta mid ka mid ah ololihii doorashada ugu dheeraa taariikhda Mareykanka, labada siyaasi ayaa waxa ay mar kale is-dari doonan foodda.

GAROWE ONLINE