Xisbullah oo sheegtay in ay weerartay saldhig ay Israa'iil leedahay iyo taangi

Milatariga Israa’iil ayaa xaqiijiyay weerarka lagu qaaday marinka sare ee Galilee balse kama hadlin khasaaraha.

MUQDISHO, Soomaaliya - Kooxda hubaysan ee Lubnaan ayaa sheegtay inay tobanaan gantaal oo Katyusha ah ku garaacday waqooyiga Israa’iil, iyaga oo beegsaday saldhig milatari iyo sidoo kale bakhaarrada saadka ee magaalada Ami’ad.

Waxa ay sidoo kale sheegatay weerar gantaal ah oo lagu qaaday taangi Merkava Israel ay leedahay oo yaallay buuraha Labnaan ee Kfarchouba ee la haysto, iyada oo sheegtay in weerarka uu sababay dab oo burburiyay gaariga.

Milatariga Israa’iil ayaa xaqiijiyay weerarka lagu qaaday marinka sare ee Galilee, iyagoo sheegay in shan gantaal ay u gudbeen dhulka Israa’iil balse ma aysan geysan wax khasaare ah. Ma aysan ka hadlin weerarka lala beegsaday taangiyada.

GAROWE ONLINE