Deni oo baaq kasoo saarey mar-xaladda kala guurka ee Soomaaliya

DHUUSAMAREEB, Galmudug - Madaxweynaha Dowladda Puntland Mudane Siciid Cabdullaahi Deni, ayaa maanta ka qeybgalay Shirka Dowladdaha xubnaha ka ah Dowladda Federaalka Soomaaliya oo ka furmay magaaladda Dhuusomareeb ee xarunta Galmudug.

Madaxweynaha oo Khudbadd dheer ka jeediyey furitaanka Shirka ayaa ka hadlay xaaladda guud ee Soomaaliya, geedi socodka Siyaasadda Dalka iyo Federaalismka , wuxuuna sheegay Madaxweynuhu in Shirka Dhuusomareeb uu yahay Shaqo loo qabanayo Madaxda Dowladda Federaalka ah ee Soomaaliya.

Madaxweyne Deni ayaa ka digey in masiirka Soomaaliyeed laga dhigo mid iska daba-wareeganaya, wuxuuna ku baaqay In marxlada kala guurka ah looga gudbo hanaan la isla ogolyahay.

Shirkan waxaa Madaxweynayaasha Dowladdaha xubnaha ka ah Dowladda Federaalka ee Soomaaliya kala qeybgalaya, Xildhibaano ka tirsan labada Aqal ee Soomaaliya, Wafuud la socday Madaxweynayaasha, Siyaasiyiin iyo xubno ka socda bulshada qeybaheeda kala duwan.

Madaxtooyadda Puntland