Deni oo guddomiye ku-xigeen cusub u magacaabay gobolka Haylaan
-
WARIYAHA GAROWE GAROWE ONLINE
- Posted On 12-01-2020, 12:15AM
GAROWE, Puntland - Madaxweyne Saciid Cabdullaahi Deni ayaa Cabdisalaan Maxamed Muuse wuxuu magacaabay Guddomiye ku-xigeenka Gobolka Haylaan, sidda laga soo xigtay xafiiskiisa.
Hoos ka akhriso wareegtada
Madaxweynaha Dowladda Puntland Mudane Siciid Cabdullaahi Deni ayaa Xeer Madaxweyne Lr.07 January 8, 2020 ku magacaabay Guddoomiye ku-xigeenka Gobolka Haylaan.
Madaxweynaha Dowladda Puntland.
Markuu arkay: Dastuurka Dowladda Puntland Qodobkiisa 80-aad.
Markuu arkay: Baahida loo qabo dardargelinta howlaha shaqo ee Gobolka Haylaan.
Markuu arkay: Aqoontiisa, Kartidiisa iyo waaya-aragnimadiisa Shaqo.
Markuu Tixgeliyey: Talo soojeedinta Wasaaradda Arrimaha Guddaha, Federaalka iyo Dimuqraadiyeynta Dowladda Puntland.
Wuxuu xeeriyey:
1. Waxaa Cabdisalaan Maxamed Muuse loo magacaabay Guddomiye ku-xigeenka Gobolka Haylaan.
Xeerkani wuxuu dhaqan gelayaa markuu Madaxweynuhu saxiixo, wuuna saxiixay.
=DHAMMAAD=
GAROWE ONLINE
