Goleyaasha xeer-dejinta Soomaaliya oo codsi u diray beesha caalamka

GAROWE, Puntland – Kadib shir si wayn loosoo agaasimay oo saddex casho socday oo ay yeesheen afhyeenada goleyaasha xeer-dejinta Soomaaliya kaasi oo maanta lasoo gabagabeeyay ayaa laga soo saarey war-murtiyeed.

Sidda ku cad bayaanka, dhinacyadda ayaa isku raacay in ay yeeshaan iskaashi cusub oo ku saleysan is-fahan iyo wadashaqayn dhab ah.

Gudoomiyeyaasha ayaa bogaadiyay go’aanadii kasoo baxay shirkii guddiga dib u eegiska dastuurka ee lagu soo gabagabeeyay Kismaayo.

Xukuumada federaalka iyo kuwa maamulada ayay ku tartarsiiyeen qaybo tirka dastuurka, dhameystirka federaalka iyo qabsoomida doorashada 2020-ka.

"Goleyaasha xeer-dejinta waa in ay door muuqata ku yeeshaan geedi u socodka arrimaha doorashooyinka," ayay isku raaceen.

Deeq-bixiyaasha ayay ka codsadeen in ay kordhiso taageerada maaliyadeed oo siiso Goleyaasha Xeer-dejinta si ay ugu dardargeliyaan howlaha horyaala.

Afhayeenada ayaa isku afgartay in kulamada Goleyaasha xeer-dejinta dalka oo aan qabsoomin sanadkii hore 2018 la qabto hada kadib sanadkiiba laba jeer.

Sidda ku cad war-murtiyeedka, kulanka soo aadan waxaa lagu qaban doonaa magaalada caasimada ah ee Muqdisho, isbuuca koowaad ee bisha October 2019.

Ugu dambeyntii, waxay afhayeenada dowlad goboleedyadda uga mahad-celiyeen gudoonka Golaha Wakiilada Puntland soo dhawayntii diiraneed ee loogu sameeyay xarunta gobolka Nugaal.

HOOS KA DAAWO MUUQAALKA

GAROWE ONLINE