Shaqaalaha wasaarada maaliyada PL oo tababar loo furay [Daawo]

GAROWE, Puntland - Tababar ku saabsan hanaanka Diyaarinta Miisaaniyadda ayaa loo furay howlwadeenada wasaarada Maaliyadda dowladda Puntland.

Sidda ay sheegeen mas'uuliyiinta wasaaradda, tababarkaan ayaa socon doona muddo Shan casho ah.

Casharada lagu baran doono tababarkaan ayaa ku saabsan doonan Miisaaniyada iyo sida ugu wanaagsan ee loo diyaarin karo.

Khuburo aqoon gaar ah u leh casharada ay bixinayaa ayaa dhigi doona tababarka, kaasi oo ay taageereyso hay’adda RCRF.

Ka qeybgaatayaasha ayaa cod dheer looga dalbaday in ay si wanaagsan u dhuuxaan carashada si bulshada ay uga faa’ideeyeen.

Wasaarada Maaliyadda waa mid kamid ah hay’addaha dowliga ah ee ugu muhiimsan Puntland, kana mid ah qorshayaasha isbedal ee Madaxwayne Saciid Cabdullaahi Deni.

Deni oo bartay dhaqaalaha ayaa wacad ku maray in uu la dagaalami doono musuq-maasuqa, isla markaana uu kobcin doono dhaqaalaha dowladda Puntland.

HOOS KA DAAWO MUUQAALKA

GAROWE ONLINE