Isbedel lagu sameeyay hogaanka bileyska Sanaag iyo Karkaar
-
WARIYAHA MUQDISHO GAROWE ONLINE
- Posted On 23-02-2021, 04:52AM
GAROWE, Puntland - Madaxweynaha Dowladda, Siciid Cabdullaahi Deni, ayaa wuxuu xeer Madaxweyne Lr. 05, ku magacaabay Taliye Qaybeedyadda Gobollada Sanaag iyo Karkaar ee maamulkan.
Sidda laga soo xigtay wareegto xalay kasoo baxdey xafiiska Deni, Waxaa G/sare Cabdikariin Maxamed Cabdulle loo Magacaabay Taliyaha Qaybta Booliska ee Gobolka Sanaag.
Sidoo kale, waxaa G/sare Faarax Nuur Maxamed, sidda ku cad digreetaddan uu arkay Garowe Online, loo Magacaabay Taliyaha Qaybta Booliska ee Gobolka Karkaar.
Hoos akhriso wareegtadda
Madaxweynaha Dowladda Mudane Siciid Cabdullaahi Deni ayaa xeer Madaxweyne Lr. 05, ku magacaabay Taliye Qaybeedyadda Gobollada Sanaag iyo Karkaar.
Madaxweynaha Dowladda Puntland
Markuu arkay: Dastuurka Dowladda Puntland Qodobkiisa 80-aad
Markuu arkay: Talo soo jeedinta Taliyaha Ciidanka Booliska Dowladda Puntland
Markuu arkay: Aqoontooda, kartidooda iyo waayo aragnimadooda Ciidanimo
Markuu tixgeliyey: Baahida loo qabo dar-dargelinta hawlaha Amniga ee gobolada Sanaag iyo Karkaar
Wuxuu xeeriyey:
Waxaa G/sare Cabdikariin Maxamed Cabdulle loo Magacaabay Taliyaha Qaybta Booliska ee Gobolka Sanaag.
Waxaa G/sare Faarax Nuur Maxamed loo Magacaabay Taliyaha Qaybta Booliska ee Gobolka Karkaar.
Xeerkani wuxuu dhaqangelayaa markuu Madaxweynuhu saxiixo, wuuna saxiixay.
Isbedelkan lagu sameeyay talisyadda ciidamadda gobolada Sanaag iyo Karkaar ayaa imaanaya xilli Puntland u diyaar-garoobeyso doorashooyinka goleyaasha degaan oo noqonaya qof iyo cod ah.
GAROWE ONLINE
