Karaash oo Muqdisho kula kulmay qoyska marxuum Cali Khaliif Galeyr
-
GO + Madaxtooyada Puntland
- Posted On 11-10-2020, 07:20PM
MUQDISHO, Soomaaliya - Ku-Simaha Madaxweynaha Dowladda Puntland Ahna Madaxweyne ku-xigeenka Dowladda Mudane Axmed Cilmi Cismaan Karaash ayaa qaabilay qoyskii alle ha u naxariistee Ra’iisal wasaarihii hore Cali Khaliif Galayr.
Madaxweyne ku-xigeen Axmed Karaash ayaa qoyska la wadaagay dhambaal tacsiya, isagoo illaahay uga baryay inuu marxuumka janadii geeyo iyagana samir iyo iimaan alle kasiiyo.
Dhanka kale, Ku-Simaha Madaxweynaha Dowladda Puntland Ahna Madaxweyne ku-xigeenka Dowladda Mudane Axmed Cilmi Cismaan Karaash oo ku sugnaa Muqdisho ayaa u ambabaxay Garoowe.
Madaxweyne ku-xigeenka Dowladda Puntland oo Muqdisho kaga qeybgalay Aaskii Qaran ee loo sameeyay Ra’iisal wasaarihii hore AHUN Cali Khaliif Galayr, waxaa garoonka diyaaradaha kusii sagootiyey siihayaha xilka Wasiirka Arrimaha Dibadda Soomaaliya Mudane Axmed Ciise Cawad.
GO + Madaxtooyada Puntland
