Madaxweynah cusub ee Puntland oo soo saarey Wareegtadii 2aad [Akhriso]
-
Wariyaha Muqdisho GAROWE ONLINE
- Posted On 13-01-2019, 11:06AM
GAROWE, Puntland - Madaxweynaha cusub ee Puntland, mudane Saciid Cabdullaahi Deni ayaa maanta oo Axad ah soo saarey digreeto uu ku joojinayo Canshuur dhaafka iyo Canshuur dhimistii loo sameeyay hay'adaha dowladda, hay'adaha caalamiga ah iyo kuwa gaarka loo leeyahay.
Amarkan ayaa la siiyay Wasaaradda Maaliyadda, iyadoo la ogeysiiyay Xisaabiyaha Guud ee dowladda Puntland, Gudoomiyaha Hanti Dhowraha Guud, Wasaaradaha dowladda, Hay'adaha gaarka loo leeyahay iyo Madaxweyne ku xigeenka.
Waa digreetadii labaad oo Madaxweynaha uu soo saaro, isagoo maalintii la doortay uu soo saarey amar lagu joojiyay in lacag lagala baxo akoonada dowladda ku leedahaya Bangiga Dhexe iyo Xawaaladaha, si looga hortago musuq-maasuq.
Doorashadii Deni, oo u dhacday si nabad iyo dimuqraadi ah, ayaa laga soo dhaweeyay dalka iyo dibadda, iyadoo Beesha Caalamka iyo Madaxda sare ee dowladda Federaalka iyo Maamul goboleedyada ay usoo direen hambalyo iyo bogaadin.
GAROWE ONLINE
