Madaxweyne Saciid Cabdullaahi Deni oo magacaabay mas'uul cusub
-
WARIYAHA GAROWE GAROWE ONLINE
- Posted On 29-10-2019, 12:19AM
GAROWE, Puntland - Madaxweyne Saciid Cabdullaahi Deni ayaa waxa uu magacaabay Wasiiru Dowlaha Wasaaradda Warfaafinta, Isgaarsiinta iyo Dalxiiska, sida ku cad wareegto kasoo baxday xafiiskiisa.
Cabdifataax Nuur Axmed [Ashkir] oo xilkaas loo dhiibay ayaa waxaa lagu sheegay digreetada oo nuqul kamid ah uu helay Garowe Online in lagu xushay aqoontiisa iyo Khibradiisa shaqo.
HOOS KA AKHRISO WAREEGTADDA
Madaxweynaha Dowladda Puntland Mudane, Siciid Cabdullaahi Deni ayaa Xeer Madaxweyne Lr. 87 oo ku taariikheysan 28da Oktoobar 2019, ku magacaabay Wasiiru Dowlaha Wasaaradda Warfaafinta, Isgaarsiinta iyo Dalxiiska.
Madaxweynaha Dowladda Puntland
Markuu arkay: Dastuurka Dowladda Puntland
Markuu tixgeliyey: Aqoontiisa iyo Khibradiisa shaqo
Wuxuu xeeriyey:
Waxaa Cabdifataax Nuur Axmed (Ashkir) loo magacaabay Wasiiru Dowlaha Wasaaradda Warfaafinta, Isgaarsiinta iyo Dalxiiska.
Xeerkani wuxuu dhaqan gelaya markuu Madaxweynuhu saxiixo, wuuna saxiixay.
DHAMAAD
XAFIISKA WARFAAFINTA MADAXTOOYADA DOWLADDA PUNTLAND.
Mas'uulka cusub oo hambalyo ku aadan magacaabistan loogu diray meelo kala duwan oo ay bulshadda ku kulanto ayaa waxaa lagu wadaa in dhowaan loo dhaariyo jagada loo magacaabay.
GAROWE ONLINE
