Puntland: Casriyeynta Bangiyadda oo la bogaadiyey

Dowladda ayaa hore u qaadatay siyaasad furfuran oo lagu dhiirrigelinayo maalgashiga, fududeyn culaysyada iyo waxkasta oo Caqabad ku ah maalgashiga.

GAROWE, Puntland - Madaxweynaha Dowladda Puntland, Siciid Cabdullaahi Deni, ayaa caawa ka qeybgalay munaasabadda bandhigga adeegyada cusub ee Banggiga (SOMBANK).

Madaxweynaha ayaa boggaadiyay dardargelinta iyo casriyeynta adeegyada Banggiga SOMBANK, iyo muhiimada ay leedahay in Ganacsatada Soomaaliyeed dalkooda maalgashtaan.

Xafiiska Deni ayaa yiri: "Dowladda Puntland ayaa hore u qaadatay siyaasad furfuran oo lagu dhiirrigelinayo maalgashiga, fududeyn culaysyada iyo waxkasta oo Caqabad ku ah maalgashiga".

Tani ayaa bud-dhig u ah in Ganacsato badan kusoo dhiirato, waxaana qorshahaasi sidoo kale qeyb weyn ku leh Banggiga Dhexe ee Dowladda oo hab casri ah looga shaqeysiiyay una diyaarsan damaanad qaadka maalgashiga.

GAROWE ONLINE